Nüüs zu dä bänggner Fasnacht 2022 – Stand 20.01.2022

«Aasuugä» ad Bänggner Fasnacht 2022! Villicht nüd ganz so nöch und zahlrich, wie i andere Jahr, aber mir möchtet trotz allem üsi Fasnacht läbe und einigi Aläss durefüere.

Plakettemalä
Pinsel inä und Farb aasuugä – Im Malstübli und in halb Bänggä sind i dä letschte Wuche Plakette bemalt worde wie verruggt. Mir sind sozäge fertig und es git kei witeri Malöbig meh. Diä reservierte Plakette chönd no am Ziistig, 1.2.2022 oder Mittwoch, 9.2.2022 jewils zwüschet 19.30 und 20.30 Uhr im Pfarreiheim abgholt werde.

Wer nüd sälber gmalät hät, cha scho gli sini Wunschplakettä a eim vo dä folgende Verchaufsstellä gu poschtä: Restaurant zur Erle / Restaurant Chronä / Metzgerei N. Jud / Bäckerei Kistler / Chäsladä Fäh.

Kärrhöna goes Valhalla
D’Sumpfhüener händ üs mitteilt, dass sie ihri Kärrhöna-Party für eimal nüd i dä Rietsporthallä, sondern verussä ufem Zentrumplatz durefüere werdet. A dem Samstig, 22. Januar 2022 vo 18.00 Uhr bis 22.00 Uhr gits ä huuffä Guggämusig, warmi (und bi denä temperature zwangsläufig au chalti) Getränk und öpis z’Ässe. Dä Itritt isch frei, aber zum inä cho muess mer 3G (geimpft, genesen, getestet) si und bim umelaufä ä Maske aleggä. Konsumiere tuet mer im sitze – aber kei Angst, es hät en huufä Fäschtbängg. Meh Infos gits uf www.huener.ch

Insidertipp: Aasuugä und es Sitzchüssi mitne!

Fasnachtskaländer
Ufgrund vu dä unsichere Lag, hämmer dä Versand vom Fasnachtskaländer so wiit wies gat usezögeret. So sind d’Informationä wo's dri hät wenigstens aktuell und au ächli konkreter. Spötischtens Afangs Februar sett dä Fasnachtskaländer mit allnä Infos i dä Bänggner Briefchäschte achu.

Aasuugä an Kostümball!
Dä Kostümball wird am SchmuDo, 24. Februar 2022 i dä Rietsporthallä mit Publikum stattfindä. Mir möchted en Kostümball-Bsuech so sicher wie möglich gstalltä und händ üs drum entschide, dass nur Personä mit 2G+ Zuetritt werdet ha. Mir empfehlet sowieso allnä Bsuecher, vorher uf freiwilliger Basis am SchmuDo en Covid-Test z’machä. (Planig für es Pop-up-Testzenter z’Bänggä am SchmuDo und Fasnachtssamstig isch am laufä)

Zum Kostümball-Motto lat sich dä 11er-Rat nu nöd z’fescht id Chartä luegä. Vom Bruno Dönni isch z’verneh gsi, dass es sicher ä huffä tolli Darbüütige uf dä Bühni heg und villicht hät ja dä 11er-Presi ja sust no es Ass im Ärmel… Wie mer sich muess aasuugä respektiv amälde gfindet ihr dänn im Fasnachtskaländer und da uf dere Homepage.

Spaziergang statt Umzug am Samstig
«Der Umzug» cha leider erscht im Jahr 2023 wieder stattfindä – das mer dänn imene Jahr wieder cha zu dem Grossereignis aasuugä hoffet mer doch sehr! Iiglade zu dä disjährige Alternative - am Fasnachtsspaziergang - sind alli, kostümiert oder maskiert. Au Chind in Begleitig vo dä Elterä oder vonere ältere Bezugsperson sind herzlich willkommä. Wagä oder motorisierti Teilnehmer sind usdrücklich nöd erwünscht. Mir bewegät üs, wiä sichs für än Spaziergang ghört, nur ufem Trottoir. Treffpunkt isch am Fasnachtssamstig, 26. Februar 2022 um 14.00 Uhr ufem Schuelhuusplatz.

Nachem Spaziergang gits ufem Zentrumplatz schön-schrägi Guggäkläng und am Abig i dä Restaurants allerlei Musig und Schnitzelbängg z’ghörä. Als Iitritt i dä Restaurants Chronä, Erle und Rössli gilt d’Plakettä zäme mitteme Itrittsbändel wo als Nachwiis fürs Covid-Zertifikat stat. Dä Bändel wird am Samstignammitag bim Gmeindssaal nach Vorwiisä vom Covid-Zertifikat allnä abgäh, wo d`Uflage für än Restaurantbsuech dänn erfüllät. Witeri Informationä zum Fasnachtsamstig gits ebefalls im Fasnachtskaländer und uf dere Websiite. Aaluugä und aasuugä!

Mir freuet üs uf es paar fasnächtlichi Stunde mit üch und dangget jez scho fürs Ihalte vu dä Coronamassnahme und em aktive Mitwürke a üsere Fasnacht.

11er-Rat Bänggä 

aasuugä


Bei der Mottofindung war sich der 11er-Rat einig, dass wir zwei Schritte zurück machen wollen. Nicht retour, sondern zurück in die Normalität. Das Fasnachts-OK hofft sehr, dass wir zusammen wieder eine Fasnacht erleben können. Zusammen. Allenfalls noch nicht im Rahmen wie wir uns das von Früher gewohnt sind, aber doch wieder eher wie früher.

 

Wer die „11er“ kennt, weiss, dass das Bänggner Fasnachtsmotto 2022 weder mit 3G, dem Corona-Virus oder der Impfung zu tun haben wird. Wir waren einstimmig der Meinung, dass über diese Themen sonst schon genug diskutiert wird.

 

Das Motto der Bänggner Fasnacht 2022 ist ein Appell. Ein – je nach Situation – allenfalls noch ein bisschen verhaltener Aufruf an alle Fasnächtlerinnen und Fasnächtler. Wer schon einmal im Klassen-, Musig- oder JTB-Lager um den PingPong-Tisch eine Partie Rundlauf mitspielte kennt den Begriff garantiert.

 

aasuugä

 

Zusammenkommen. Sich wieder einmal aus den heimischen vier Wänden raus wagen. Und das nicht nur zwingend für eine Runde Tischtennis, sondern für all die tollen Fasnachtsanlässe, welche euch an der Bänggner Fasnacht 2022 erwarten.



Hauptversammlung

Liebe Vertreterinnen und Vertreter der aktiven und ehemaligen Bänggner Fasnachtskliggen

Der 11er-Rat lädt euch gerne zur diesjährigen Hauptversammlung der Bänggner Fasnachtsgesellschaft - am 11.11. natürlich - ein. Bitte beachtet die Einladung an der Seite

(Vor)Fasnächtliche Grüsse

11er-Rat Bänggä