Tüpflischiisser

De Tüpflischiisser isch eine wos sehr gnau nimmt

mängisch wortwörtlich, eifach dasses stimmt.

Als Chilemänsch chasch nid alles luut säge

süscht ghörsches de grad, oft ganz ungläge.

Und als Schnitzelbänkler cha dir niemer s’Muul zue tue

höchschtens us de Beiz flieh, d’Türe vo usse zue.

Hüür bini erscht s’drittmal i de Bütt,

han aber schon jahrelangi Erfahrig mit de Wäg(g)macher-Lüt

Vorhär bini scho meh als 10 Jahr z’Rotchrüüz vo Beiz zu Beiz

und ha gnosse e chli z’stichle und höchnäh, ja das hed si Reiz.