FASNACHT
BÄNGGÄ

Am 11.11.2026 händ sich d'Hälferinne und Hälfer, so wie zahlrichi Delegierti vo de Verein und Kligge zu de Hauptversammlig vom 11er-Rat troffe. Die erschtä Informatione zu de Bänggner Fasnacht 2027 sind online.

​

​

 

​

​

54. Kostümball Bänggä – Achtung de Amäldeschluss isch «gschobä»!

«Gschobä» wird dä 54. Kostümball nöd. Er findet au während de Skiferie am SchmuDo (4. Februar 2027) statt. Aber d’Frist zum sich sini Plätz für de Kostümball z’reserviere isch ganz mottogetreu «gschobä»!

Am 54. Kostümball wird üch wie immer es abwächsligsriichs Programm mit Bütterede, Schnitzelbängg, Guggämusig und natürlich dä Ernännig vum «Tschämpien» botte. Für eimal sind ihr als Publikum sogar Teil vu dä Dekoration! Mir teilet d’Tischreihenä i verschideni Schwiizer Kantön uuf und es wär schön, wänn ihr mit üchere Gruppe/Kliggä es Kostüm wählet wo zu dem Kanton passt. – So schnell häsch di no nie dur d’Schwiiz «gschobä» - ein Spaziergang dur d’Rietsporthalle am Kostümball langet dir dänn däfür.