Musigpedell

De Musigpedell isch der, wo immer z’erscht dett isch – bi Probe, bi Uftritt, und überhaupt. Und nu viel wichtiger: Er isch der, wo z’letscht hei gaht! Er isch Mädchen für alles bi de Musig – nei, nüd bi «de Musig», sondern bi «der Musig – de bmb».

Er ghört und gseht vieles, wiiiiit über Musigprob use. Während de Fasnacht gits kei Musigprobe, drum ischs ja logisch, dass er a d‘Fasnacht gaht.

Und will er uusgezeichneti, jahrzehntelangi Beziehige zum 11er-Rat, de Türggä-Buzzi, de Gliisser und de Wäfüüri hät, chan er sich am Kostümball halt eifach nüd zrugghebä.

I de Bütt sit 2020.